網紅的藏寶箱寫食譜，除咗要味道好、設計適合觀眾嘅做法、用料之外，仲有一樣嘢要諗⋯⋯
話說，幾年前我用蝦醬整咗款麵包，雖然好奇怪，但又好好食🤣不過就唔可以教大家，因為要顧及到你哋整完之後點洗個焗爐，你都唔會想下次焗蛋糕有蝦醬味。
所以，創意都要平易近人，先至可以共賞，一個食譜若無知音人，再好食都只會乏味。
記得當日我就係為咗洗走啲蝦醬味，苦無良策之後，唯有學人用梳打粉溝白醋洗爐，結果不但唔work，個爐仲留咗啲蝦醬溝的醋味，啲梳打粉點抹都走出嚟，足足年半之後先至再見唔到粉。
煮嘢食總有烏龍嘅時候，但自己受算喇，拎嚟害人就笑壞街坊🤣